2021 წლის 31 ოქტომბერს, საქართველოს ეროვნული ბანკისა და პირველი ქართული საგანმანათლებლო პორტალ ,, Finedu“ ს მიერ გაიმართა მსოფლიო დაზოგვის დღისადმი მიძღვნილი ღონისძიება-კონკურსი - "ჩაერთე, ასწავლე, გაიმარჯვე“, რომელშიც მონაწილეობა მიიღეს ქართულ-ინგლისური სკოლის ,,ბრიტანიკა“ მოსწავლეებმა: ელენე კასრაძემ, ლალიკო გოგაშვილმა, ბექა ჩიხაშვილმა, გიორგი ანთაძემ და სანდრო ღავთაძემ . საგან ,,მოქალაქეობის“ მასწავლებლის, ნინო ძულიაშვილის მენტორობით.
კონკურსში თავდაპირველად 127 მენტორი დარეგისტრირდა, სპეციალური ვებინარი კი 91-მა მენტორმა გაიარა, ხოლო ნახევარფინ
ალში მონაწილეობა უკვე 75-მა მენტორმა მიიღო. მენტორებმა ფინალში გადასასვლელად გააგზავნეს ნამუშევრები, რომელიც აღწერდა მოსწავლე-ახალგაზრდობის მიერ დაზოგვასთან დაკავშირებით იდენტიფიცირებულ პრობლემებს და მათ გადასაწყვეტად შეთავაზებულ გზებს. კონკურსის პირობებიდან გამომდინარე ფინალში ასპარეზობისთვის შეირჩა 10 საუკეთესო ნამუშევარი.
ქართულ-ინგლისური სკოლის ,,ბრიტანიკა“ მოსწავლეებმა მენტორის ხელმძღვანელობით წარმატებით გადალახეს ნახევარფინალის, შემდგომ კი ფინალის შესარჩევი ეტაპი და 31 ოქტომბერს ღონისძიება-კონკურსში გამარჯვება მოიპოვეს. გამარჯვებულ მოსწავლეებს საქართველოს ეროვნული ბანკისა და პანრტნიორი ბანკებისგან გადაეცათ ფულადი ჯილდო, თითოეულ მოსწავლეზე 300 ლარის სახით, ხოლო მენტორი კი დასაჩუქრდა 500 ლარის ოდენობით.